ძველი ჩემოდნის მეორე სიცოცხლე

"დარჩი სახლში" მოწოდების ფარგლებში გადავწყვიტეთ შემოგვეთავაზებინა რუბრიკა მიმართულებით - "რითი დავკავდეთ სახლში" და "ბავშვის ოთახის მოწტობა". იმედი გვაქვს ჩვენი მასტერ კლასი ამ მიმართულებით საინტერესო და სასარგებლო იქნება თქვენთვის. გთავაზობთ ამ რუბრიკის III ნაწილს.

ძველი ჩემოდნის მეორე სიცოცხლე

ბავშვიან ოჯახში, როგორც წესი, მწვავედ დგას საკითხი თუ სად შეიძლება სათამაშოების შენახვა. თუ თქვენ გაქვთ მსგავსი პრობლემა, გთავაზობთ გააკეთოთ ლამაზი ყუთი ძველი ჩემოდნის გამოყენებით.

მოვამზადოთ შემდეგი მასალები:

• ჩემოდანი;
• პატარა ზომის ფეხები – 4 ცალი;
• აკრილის გრუნტი;
• ლაკი;
• თხელი ღრუბელი ("გუბკა");
• ნაჭერი;
• მაკრატელი;
• საღებავი;
• ფუნჯი;
• პვა-ს წებო;
• სახაზავი.

მოვაცილოთ ყველაფერი ჩემოდნიდან და გავწმინდოთ მტვრისგან. დავატანოთ გრუნტის ორი შრე. შემდეგ შევღებოთ გარე ნაწილი და ბოლოები.

დაველოდოთ ჩემოდნის სრულ გაშრობას.

ავიღოთ ზომები და მოვჭრათ ჩემოდნის შესაბამისი ზომის პარალონი. შევკეროთ ერთმანეთზე ნაჭერი, რომელიც ავირჩიეთ ჩასაფენად და პარალონი.

გამზადებული ჩასაფენი ჩავაფინოთ ჩემოდანში და დავაწებოთ პვა-ს წებოს მეშვეობით.

ჩემოდნის სახურავზე, აკრილის საღებავებით, შეგვიძლია დავხატოთ ნებისმიერი მარტივი ნახატი, მაგალითად ყვავილები. იმისთვის, რომ ნაკეთობა შეეხამებოდეს დეკორს, უმჯობესია ავირჩიოთ საღებავის ნეიტრალური ფერები.

დაიტანეთ ჩემოდანზე ლაკი და დავტოვოთ სრულ გაშრობამდე.

ვაკეთებთ ჩემოდანში ნახვრეტებს და ვამაგრებთ მასში ფეხებს, იმგვარად, რომ ისინი მყარად იყვნენ დაფიქსირებულები.

სურვილის შემთხვევაში ის შეგვიძლია დამატებითი დეკორის მეშვეობით კიდე უფრო გავალამაზოთ.

ჩემოდნისგან ასევე შეგვიძლია გავაკეთოთ ლამაზი თოჯინას სახლი, რომელზეც ოცნებობს ნებისმიერო გოგონა

მოვამზადოთ შემდეგი მასალები:

• ჩემოდანი;
• ცარცი;
• ფიქალის საღებავი;
• ფუნჯი;
• აკრილის საღებავი;
• მაკრატელი;
• პარკეტის ლაკი;
• მუყაოს ქაღალდი;
• საკანცელარიო დანა.

შევღებოთ ჩემოდნის შიდა მხარე აკრილის თეთრი ფერის საღებავით. იმისთვის, რომ ფერი მაქსიმალურად მკვეთრი იყოს, შევასრულოთ ეს პროცედურა ორჯერ. საღებავის სრული გაშრობის შემდეგ დავფაროთ იგი პარკეტის ლაკით.

ჩემოდანი გარედან შევღებოთ გრაფიტის საღებავით.

თოჯინების მომავალი სახლისთვის, სქელი მუყაოს ქაღალდისგან გამოვჭრათ თაროები.

თაროები ჩავამაგროთ ჩემოდანში.

გარედან, ცარცით მოვხატოთ სახლის ფასადი. თუ ნახატში რამე არ მოგვექონა, ნებისმიერ დროს შეგვიძლია ნახატი სველი ღრუბელით წავშალოთ და დავხატოთ ხელახლა!

შევავსოთ ჩვენი ჩემოდანი სხვადა სხვა სათამაშოებით და თოჯინების მსუბუქი ავეჯით.