ორიგინალური დეკორატიული ბალიში

"დარჩი სახლში" მოწოდების ფარგლებში გადავწყვიტეთ შემოგვეთავაზებინა რუბრიკა მიმართულებით - "რითი დავკავდეთ სახლში" და "ბავშვის ოთახის მოწტობა". იმედი გვაქვს ჩვენი მასტერ კლასი ამ მიმართულებით საინტერესო და სასარგებლო იქნება თქვენთვის. გთავაზობთ ამ რუბრიკის V ნაწილს.

საჭირო მასალები:

• კრემისფერი და ვარდისფერი რბილი ნაჭერი;
• შესაბამისი ფერების ძაფები;
• ფერადი ნაჭრის პატარა ზოლები;
• სინტიპონი;
• საკერავი მანქანა;
• მაკრატელი;
• სხვა და სხვა ზომის ორი ჭურჭელი;
• მარკერი;
• ქინძისთავები;
• ნემსი.

კრემისფერი ქსოვილი გადავკეცოთ ორად. დავადოთ დიდი ზომის ჭურჭელი და შემოვხაზოთ მარკერით. ცენტრში დავადოთ პატარა ჭურჭელი და ანალოგიურად შემოვხაზოთ მარკერით

ნაჭრის გადაკეცვის გარეშე გავიმეოროთ ირივე ვარდისფერ ნაჭერზე. დავხატოთ ტალღოვანი ხაზები, ისე როგორც ნაჩვენებია ნახატზე.

გამოვჭრათ ჩვენს მიერ გამზადებული ყველა დეტალი. გამოვჭრათ სხვადა სხვა ფერის ნაჭრისგან ვიწრო ზოლები. გაანაწილოთ გამოჭრილი ზოლები ვარდისფერ ნაჭერზე და დავაფიქსიროთ ქინძისთავებით.

საკერავი მანქანის დახმარებით, ქინძისთავებით დაფიქსირებული ყველა ზოლი მივაკეროთ. ამის შემდეგ მივაკეროთ იგი ჩვენს მიერ გამზადებულ ყავისფერ ნაჭერს.

შევკეროთ ორი ყავისფერი ნაჭერი ერთმანეთში, მაგრამ ბოლომდე არა. შევავსოთ სინტიპონით, რის შემდეგაც შევკეროთ დარჩენილი მონაკვეთიც.

ორიგინალური, მაფინის ფორმის ბალიში მზად არის. სურვილის შემთხვევაში შეგვიძლია ნებისმიერი ფორმის ბალიშის შეკერვა.

საბავშვო ოთახის ლამაზი, ეფექტური დეკორი არ არის აუცილებელი იყოს მოცულობითი. ზოგიერთ შემთხვევაში მცირე ზომის დეკორატიული ნივთი შეიძლება გახდეს დეკორის ცენტრალურ ნაწილად, ამიტომ აუცილებლად სცადეთ წარმოდგენილი პროექტებიდან რომელიმეს გაკეთება და გაგვიზიარეთ თქვენი მცდელობის შედეგები სურათების სახით.