დაფა წარწერით

"დარჩი სახლში" მოწოდების ფარგლებში გადავწყვიტეთ შემოგვეთავაზებინა რუბრიკა მიმართულებით - "რითი დავკავდეთ სახლში" და "ბავშვის ოთახის მოწტობა". იმედი გვაქვს ჩვენი მასტერ კლასი ამ მიმართულებით საინტერესო და სასარგებლო იქნება თქვენთვის. გთავაზობთ ამ რუბრიკის IV ნაწილს.

ბავშვის ოთახი ძალიან ლამაზად შეგვიძლია გავაფორმოთ ბავშვის სახელით დამშვენებული პატარა დაფით.

სახლის პირობებში ასეთი დაფის შესაქმნელად დაგვჭირდება შემდეგი ნივთები:

• ხის დაფა;
• ფერადი ძაფები;
• მაკრატელი;
• ლურსმები;
• ჩაქუჩი;
• ბრტყელტუჩა;
• А4 ფორმატის ფურცელი;
• ფანქარი;
• საშლელი.

A4 ფორმატის ფურცელზე ვხატავთ ბავშვის სახელს. სურვილის შემთხვევაში შეგვიძლია სახელი უბრალოდ ამოვბეჭდოთ ლამაზი შრიფტით.

დავადოთ ჩვენი ფურცელი ხის დაფაზე. დავაფიქსიროთ ლურსმანი საწყის ასოზე და ჩავაჭედოთ ჩაქუჩით. თანაბარი მანძილით დავაშოროთ დანარჩენი ლურსმნები და ასევე ჩავაჭედოთ ერთმანეთის მიყოლებით.

როცა ყველა ლურსმანს ჩავაჭედოთ მოვაცილოთ ფურცელი დაფას.

ერთ ლურსმანზე დავახვიოთ ძაფი და გადავხლართოთ სხვა ლურსმნებზე ისე, რომ შევავსოთ ასოთი მოხაზული სივრცე.

გავიმეოროთ იგივე ოპერაცია დანარჩენი ასოებისთვის, ყოველი ასოსთვის განსხვავებული ფერის ძაფით. ასეთი შევსებით თავისებური ფერების გრადაციის ეფექტს მივიღებთ.

ჩვენი დაფა შეგვიძლია დავდოთ მაგიდაზე, ან დავკიდოთ კედელზე.